3 nov 2015

Visje

Ik vis je uit de zee
met mijn hengel 
aan mijn haakje

Ik bak je in mijn pan
in wat olie 
dus zo smaak je

© pieteke


1 nov 2015

Van achter de wolken


Van achter de wolken
kijk ik in het rond
jij leeft nog daar onder
gewoon op de grond

Soms kijk ik heel even
naar wat jij nou doet
dan zie ik je lachen
en denk dat is goed

Van achter de wolken
in het grote heelal
blijf ik op je wachten
tot jij komen zal

©pieteke


Kaart van Lotte van Dijck - De Verderkijker

21 jun 2015

Nacht


Hjir krige ik in protte reaksje op doe 't ik it op facebook sette. Dêrom no mei foto op myn bloch. 


3 mei 2015

Skuttingtaal op in bertekaartsje

Yn jannewaris hie ik dit gedichtsje op de muorre skreaun by Nij Stapert yn it ramt fan de poëzieweek. Neist noch oare gedichten op muorren en skuttingen. Ik neamde it skuttingtaal. In tekst by my op de skutting hat noch yn Bynt west, yn it taalpraatsje. De oansteande mem seach it en tocht dat is wat ik sykje en naam kontakt mei my op. En no dus (mei lytse oanpassing en tastimming) op harren hiele moaie bertekaartsje. Prachtich, ik bin der grutsk op. 




12 apr 2015

Skuttingtaal

SKUTTINGTAAL: It is wer ris wat oars en as it in pear kear reint is it der wer ôf en kin der wer in nije tekst op. Ik hoopje dat de minsken dy 't by ús skutting lâns rinne it leuk fine. Ik sels fyn it moai om der sa no en dan wat op te setten. Foar de minsken dy 't net yn Wommels wenje en hjir net samar lâns kuierje kinne set ik se wol op myn bloch.



Dizze lêste wie noch te sjen by Omrop Fryslân yn it programma Bynt.

14 mrt 2015

Wat fljocht dêr?

Op dit stuit doch ik in kursus poëzij by Elmar Kuiper en it is oant no ta tige nijsgjirrich. Ien fan de opdrachten wie skriuw in gedicht oer in fûgel dy 't dy oansprekt of wêrst wat mei hast. No ha ik net safolle mei fûgels, fyn it moai dat se moarns ier sjonge mar dat is it dan ek wol. De fûgelopdracht wurke by my as in rose oaljefant want ik ha yn trije wiken oeral allinich mar fûgels sjoen. Yn de feart, yn de loft, yn de krante, yn de bibleteek, echt oeral. No ja, ik ha myn bêst dien en dizze gedichten binne myn pinne útroegele.



Gielsyske

Dêr sit ik dan op in stokje
ik ha it goed, bakje fretten, wetterbadsje
mar yn dizze finsterbank siicht it
Fffffffffffffff fiel ik oan myn feare fel
in oar plak wol ik en besykje it te sizzen
fluitsje heech en leech, lûd en sêft
mar men begrypt my net
hat gjin ear foar myn krewearen
Tsiicht, tsiicht, tsiicht, brrrr, brrrr, brrrr
op it lest jou ik it op
gjin lûd mear út dizze koai
drok wurdt der oerlein
en myn hope lôget op
Mar hjoed hongen se in bakje mei
sangsied yn de koai


Swarte lyster

It leaflikst en it langste sjonge
koe hy fan hiel de fûgelwrâld
Sy foel foar dy moaie jonge
foar har berntsjes in behâld

Mar doe’t de simmer west wie
en hy net mear sjonge woe
bleaf sy mar oan ‘t besykjen
hoe ’t se him dochs sa fier krije koe

Mei wapperjende flerkjes snokkere se
toe sjong noch ris foar my
No fuort mar tocht er en hy die syn snaffel iepen
’t hie net moatten, de kat koe der krekt by
  
En dizze lêste ha ik it earste skreaun en úteinlik ynstjoerd nei Elmar

Fûgeltsje

BOINK hear ik en sjoch ferheard nei lofts
wêr't it lûd wei komt.

Dêr op'e grûn leit se, in foddeboskje
mei in lyts giel snaffeltsje.

Gjin libben mear yn it tebrutsen fûgellyfke,
ferûngelokke tsjin it finsterglês.
Nea sjongt sy wer it heechste liet,
wa hat sein dat fleanen net gefaarlik is?





12 mrt 2015

Maitiid





Wyt wapperet it waskguod oan 'e line
it griene gers glânzet yn 'e gleie sinne
en de loft leit blikkerjend blau boppe my
Koe it mar eltse dei maitiid wurde.


24 feb 2015

Alles is leafde


Wachtsjend op de leafde fan har libben
sjocht se dat de wyn in liet sjongt foar de sinne
dat wolken dûnsje yn de blauwe loft
it griene gers hoeden de koweblomkes heint
en by nacht de moanne flaaiket mei it tsjuster