Gjin wurden

Gjin wurden

Ik ha gjin wurden mear

om te sizzen wat ik noch sizze wol

gjin meldijen om te sjongen fan

alle noaten dy ’t noch dwerrelje troch

myn fierder lege harsens

jierren hawwe ferskil makke

fan de minsk dy ’t ik wie

nei it omklaaisel dat ik no bin

fel om bonken mei in bytsje

waarmte dat ik net kwyt kin

om ’t ik net mear wit wa ’t jim

binne as jim lâns komme en

 ik net wit of ‘t jim dat dogge ût

plichtsgefoel en begrutsjen of

út in allesomfetsjende leafde

foar my, ik wit it net

Ik ha gjin wurden mear