Oantinken

 Taataataaaaa …. 

It skrift mei sammele ferzen/poëzij fan myn hân. De foto’s en it ûntwerp kommme fan Studio Bosgra. Tige wiis mei dizze gearwurking. En grutsk op hoe’t it der út sjocht. 

Ein maaie komt it skrift út. Sa spannend en leuk! 

Der komt ek noch in presintaasje mei muzyk en de útrikking fan it earste eksimplaar. Hiel wiis bin ik mei de minsken dy’t meiwurkje wolle. Troch it earste eksimplaar oan te nimmen. Troch te sjongen by de presintaasje. En myn neef, syn frou en dochter dy’t de foto’s by myn poëzij makke ha. 

Letter mear oer de sjongers en de presintaasje. 

It is yn eigen behear dus wolst in eksimplaar keapje? Doch my in mailtsje: pieteke01@hotmail.com

Foar elts dy’t it dreech hat

 

Tiede bliuwt thús

Tiede hoecht hjoed net nei skoalle

want master en juffen binne der net

mem hat him krekt pas roppen

en it is al wit hoe let

 

earst giet Tiede lekker iten

hjoed nimt hy in pantsje brij

it is hatstikke gesellich

want ek syn knuffel is der by

 

Tiede boartet mei de auto's

race mei twa tagelyk

en ek hearlik eefkes botse

oei no is der ientsje bryk

 

wol mem Tiede helpe

want de tsjillen stean sa gek

en de bumper is wat nuver

ek de bân liket wol lek

 

mar mem hat gjin tiid no

want sy moat earst wat oars

tsjin de laptop sit se te praten

en Tiede wurdt ynienen boas

 

hy smyt de auto troch de keamer

mar wurdt dan in bytsje bang

krûpt gau fuort achter de stoel

och wat duorret it wer lang

 

einliks komt mem him dan sykjen

't is tiid foar drinken en in koek

tegearre meitsje se de auto

en lêze yn in plaatsjesboek

 

dan mei Tiede op de I-pad

mem sil it ding wol eefkes jaan

is het dochs in moaie dei noch

lekker lang in spultsje dwaan

 

 

Reizigje yn in kefert

As wolken fansiden skowe skynt in flau ljocht de keamer yn en dêr leisto. De rook fan âld en oan ein tegearre mei dy fan dit hûs makket my wat mislik. De heal iepen doar tekenet skaden op de muorrre en boartet mei myn tinzen.

En it bêd, dat is fan dy. Ik mei net sliepe, wekker bliuwe dat is myn taak. De nacht is stil, útsein de soerstoftank. Dy jout in ritme oan de nacht en lit it tsjuster dûnsje. Tsssj poe ....tsssj poe..... tssssj poe ... en de nacht duorret en duorret

In doar giet iepen en ticht. En dan rint der immen hastich oer de gong as is der gjin tiid mear en dat is miskyn ek wol sa. De kroks sûge sêft oan it linoleum en sjirpe in oade oan de nacht. It ljocht op de gong wurd stadich wer wei.

Koe ik mar reizigje yn in kefert dan wie ik earder by dy west. Tegearre sjen nei de sinne dy’t op komt. De dei yn de mijtte gean en mar sjen hoe fier as we komme koenen. En wa wit koe ik dyn hân beet hâlde as nimmen it seach.

Mar it kefert is te lyts en ik bin te swier. En de suster soe my net bringe want de suster is der net mear. In nije dei bringt nije gesichten. De moanne kin dy nachts mar sy wurdt wei yn it deiljocht. Krekt as do, mar no noch net

tsssj poe .... tsssj poe .... tssssj poe

                                        

 

 

Wachtsje op letter

Wachtsje op letter

Altyd as ik op besite kaam

hie’k dy by de hân

no is de tút fan juster 

de moardner fan moarn

Ik kin net by dy wêze 

en dat docht och sa sear

ik kin dat wol begripe

mar do allang net mear

Hoe sil ik fan dy hâlde

as ik net by dy mei

net eefkes by dy sitte

sa’n hiele lange dei

Ik hoopje op better tiden

dat alles aanst wer kin

dêr hâld ik my oan fêst

oant ik wer by dy bin

Pieteke de Boer

Wurden wei

Wurden wei

Dyn wurden rane krekt as iis foar de sinne

wienen it earst noch sinnen en doe wurden

no binne der allinich noch letters

do kinst se net mear by mekoar krije

wat earder gjin swierrichheden jûch

fielt as in seedyk beklimme sûnder treppen

dyn eagen sykje om immen dy’t it begrypt

dy’t de tiid nimt om te wachtsjen

oant dyn mûle se by mekoar plakt

ko….., ko…..., ko…...,

“kofje, jawis krije jo in bakje kofje”

“wat gesellich net mei syn allen kofje drinke”

KOM EEFKES BY MY SITTEN

…………. hiest sizze wollen

mar sa kin it ek, lekker kofje!

Pieteke de Boer

Geen moederdag gedicht

Hertemem

Kin leafde libje as winsken ferdrûgje

en mei skerpe rânen it hert skeine

kinne we tegearre genôch wetter fine

om oare blommen yn’e bloei te bringen

de nacht dy’t allinnich mar sliep bringt

it deiljocht dat dúdlik makket dat dit it is

gjin wiete ruften en bernestimmen

yn dit hûs romje we gjin boartersguod op

dreamen oerlibje de neakene wierheid net

wurde wei as in bern dat kiekeboe boartet

yn dizze tún gjin sânbak of skommel

en de kninen moatte we sels iten jaan

Hartenmoeder

Kan liefde leven als wensen verdorren

en met scherpe randen het hart bezeren

kunnen wij samen genoeg water vinden

om andere bloemen tot bloei te brengen

de nacht die alleen maar slaap brengt

het daglicht dat duidelijk maakt dat dit het is

geen natte luiers en kinderstemmen

in dit huis ruimen we geen speelgoed op

dromen overleven de naakte waarheid niet

verdwijnen als een kind dat kiekeboe speelt

in deze tuin geen zandbak of schommel

en de konijnen moet we zelf voer brengen

Pieteke de Boer

Vrijheid

Vrijheid

Als je bang bent voor de wereld

voor de wereld om je heen

waar de tolerantie weg lijkt

en je voelt je vaak alleen

als je bang bent om te blijven

ook al kun je dat niet meer

waar de angst een grote berg is

en je hart is één groot zeer

als je bang bent te vertrekken

ook al lonkt de vrijheid sterk

en je niets meer mee kunt nemen

verlies van liefde, huis en werk

wie ben ik om jou te weren

wonend in dit vrije land

waar de oorlog is verdwenen

daarom reik ik jou mijn hand 

Pieteke de Boer

Ferreizige

Ferreizige

Soe it myn tiid hast wêze

tocht ik

doe’t de lea it my bejûch

it hert in kear te min kloppe

en de holle raasde

Och hea, lake de loft lûd

wat soesto no

kinst ommers net fleane

bist ferreizige foardatst

boppe bist

Lit de seadden my keare

stamp se goed oan

ik lis graach stiif ynstoppe

wynsels, gjin planken

alles wurdt wei

Wie ik mar as de wyn

dan soe ik

troch de roasters blaze

en my deljaan wêr’t de sinne

it waarmst is

Soe it myn tiid hast wêze

tocht ik

en frege it oan de wolken

mar se wisten it net

Pieteke de Boer

april 2019

Greidehert

Thús

Hjir fiel ik my thús

krekt as in fûgel

yn de tekken fan greiden

de loften ûneinich fier

de mûne draait syn rûntsjes

as de wyn oanhellet

en de sinne sakket

op in moaie simmerdei

En as wolken grien reitsje

is fierte tichteby

tsjerkeklokken liede

as wy ôfskie nimme

de toer in beaken foar

wa’t it paad net fine kin

hjir is altyd immen

dy’t it dy wize wol

Wy reitsje mekoar net kwyt

op it trekpaad sjogge we

de wjerskyn fan de oar

yn it glinsterjende wetter

Mei in stap fansiden

meitsje we romte foar

minsken dy’t hurder kinne

begroetsje in nije dei

Grinzen kinne ferlein wurde

mar it klopjen fan dit hert

ús greidehert

hâldt net op

dat is der

dat bliuwt der

en sil der altyd wêze

Pieteke de Boer

Dit gedicht ha ik skreaun nei oanlieding fan de weryndieling fan Littenseradiel. En it moaie kado fan de gemeente foar de ynwenners: de foarstelling Greidehert. 

Raamgedicht

Dit gedicht fan my is te sjen west op Eewal Ljouwert. In projeksje yn in finster om de binnenstêd riker te meitsjen mei keunst yn mikrogalerieën. Stipe troch Mienskipsfonds.

In goed ferhaal

It is safier, de krystdagen komme der oan. Elts jier itselde ferhaal. It kin fansels ek oars. Gjin beam, gjin kearskes, gjin Jesus dy’t berne wurdt. Ik bedoel mar, Maria hat it al sa faak dien. Yn ferwachting reitsje sûnder dat der in man oan te pas komt. De lol hat se der net fan hân. En elts jier wer dy lange reis op dy ezel nei dat hok. Neat gjin kreamklinyk mei alles der op en der oan. No ja, muzyk is der wol. Mar earst dy befalling, it is har earste en oan Joazef hat se net folle. Hy is wol leaf mar fan befallingen hat er ek gjin ferstân. En dy ingelen komme pas as de boel al oan de kant is. Se sjonge wol in moai ferske wêr’t it jonkje lekker op sliepe kin mar fierder hast der neat oan. En dy hoeders dy’t alles witte fan skiep en lamkes komme ek pas as sy it der al ôfswitten hat. Oan de oare kant hast der ek gjin ferlet fan dat in stel fan dy rûchhouwers dy yn it gat opsjogge. It is dat der noch in stel keningen op besite komme mei djoere kadootsjes want oars hie Maria har net lient foar sa’n stunt. Alles mar om it ferhaal de wrâld yn te krijen. Marketing neame se soks hjoed. God wist eartiids al hiel goed hoe’t er in ferhaal de wrâld yn krije moast. Sa goed dat we it der no noch altyd oer hawwe. Elts jier wer.

Foar dy nei dy

It gedicht dat ik skreaun ha nei it sjen fan de foarstelling Foar dy nei dy wol ik graach mei jim diele. De titel is: "net goed net ferkeard" en sa is it mar krekt. Foar wa't de foarstelling noch sjen wol? Der binne noch in pear kaarten. En ik bin der sels fia de reservelist kommen dus ek dat is te besykjen.
In moaie foarstelling oer rou op in prachtich plak. En de spilers spylje harsels mar ek wer net. Nei de foarstelling is der in hapke en drankje en de mooglikheid om nei te praten. Ek mei de spilers.

Net goed net ferkeard

hy giet troch mei libjen want it is sa’t it is

myn libben stiet stil want ik wol der net oan

ferhip it om de dei te nimmen sa’t er komt

ik wit wol datst net wer komst mar myn lichem

fielt noch altyd dat ik dy berne ha

ferwûndere sjoen ha nei dat berntsje

net begripe koe dat ik soks op de wrâld

set hie en ek doe gong hy troch mei libjen

want it wie sa’t it wie en net oars

ik sykje dy oan de nachthimel as ik wer

ris net sliepe kin en hy snoarkjend de nacht

oan kant seaget en him omdraait as

ik der mei kâlde fuotten neist skow, him

sêft troch syn hier stryk, bliid mei syn moed

om te libjen foar wa’t der wol binne en

dermei my sjen te litten dat it ek kin sa’t

hy it docht, my gewurde lit om’t ik noch

net fierder kin, net goed en net ferkeard

Pieteke 

Rely Jorritsma priis en no fierder

Wat in feest by de útrikking fan de prizen yn it doarpshûs fan Weidum. Der wienen in protte minsken kommen om it mei te meitsjen. Dêr wie ik hiel wiis mei. Dat wie eins noch moaier dan de priis sels.
Dus sa stiet it der no foar. Der binne myn poëzijkaarten, der is in Rely wûn foar in gedicht, ik ha optredens dien yn de SlauerHofftún, by Paradepaadje Britswert, in twicht hat wer yn it wetter lein by de pastorie yn Lytsewierrum. En de tekst op de boat hie ik skreaun foar it Greidhoekfestival ast fia de seerûte kaamst.

Wat sit der oan te kommen? In optreden by festival 'Krijg de Bibbers' Ljouwert op 15 jannewaris. En der ferskine 2 gedichten fan my yn in bondel sammele troch Henk Dillerop foar datselde festival. Mei in print fan in prachtich keunstwurk makke troch Annelies Deutekom.
En fierder? Och, ik skriuw sa no en dan ris in gedicht, in gedachte, in twicht op myn @twichtwicht akkount. En doe't ik op Texel wie ha ik hearlik poëzij yn it sân skreaun.
Der is in gedicht nei Ensafh en ik stjoer in Nederlânsk gedicht nei Pretparkpoëzie. En dat is it dan sa'n bytsje.
Foar wa't it net wit, myn poëzijkaarten binne te keap by de Afûk yn Ljouwert, by PS-Idee Wommels en by it GysbertJapicxhûs yn Boalsert. En yn Arum hat ús mem wol in pear pakjes lizzen foar de ferkeap.
De foto is nommen by Paradepaadje yn de tsjerke fan Britswert. De skilderijen binne fan Dinie Boogaart.

Kaarten mei fryske poëzij

Der is fan alles te krijen op it mêd fan kaarten mei teksten en foto's. Mar neffens my noch net mei de teksten dy't ik skreaun ha. Der wie gauris fraach nei dizze teksten as ik ris wat op facebook sette. Dêrom ha ik mei help fan Studio Bosgra kaarten drukke litten. Ik ha de tekst/poëzij skreaun en sy hawwe it ûntwerp en de foto foar harren rekken nommen.
Op dit stuit binne de kaarten te keap by my en by kadowinkel PS Idee yn Wommels. Ik bin op syk nei mear plakken om se te ferkeapjen en ha al tips foar leuke winkeltsjes krigen. Mar hasto noch in goede tip dan hear ik it graach.
Wolst in set kaarten bestelle dan kin dat fia deboerpieteke@gmail.com. As ik se opstjoere moat binne de kosten € 6,50. Mar dan hawwe je ek wat :)

Schuttingtaal en gedichterbij tijdens Slachtemarathon

Wat heb ik een mooie dag beleefd gister tijdens de Slachtemarathon in dijkvak Wommels. Lekker weer (soms een beetje te warm) en allemaal vriendelijke wandelaars. Zo'n beetje midden tussen mijn schuttingtaal liep ik rond, stond aan de kant, droeg ik meelopend een gedicht voor of deelde poëziekaarten uit. Misschien ben jij één van de 1000 mensen die een kaart mee kreeg. De kans is groter dat je één van de vele anderen bent. Daarom ook nog een keertje op dit blog.
De foto's zijn gemaakt door Marcel ter Bekke en de poëzie is geschreven door mij.

Raamtekening met mijn gedicht

Zo nu en dan bundelen Ingrid Boschma van Drawink en ik onze krachten. Ingrid maakt o.a. prachtige raamtekeningen. Afgelopen zondag was Ingrid gast-exposant in het atelier van Saskia Wagenvoort tijdens Ontdek en Beleef in de Floris Verster ateliers. Ik had me verdiept in het werk van Saskia en gecombineerd met het getekende fluitenkruid van Ingrid een kort gedicht geschreven. Dit was verwerkt in de tekening. Hieronder zie je het resultaat. Ik was er heel blij mee. Is het iets waar jij blij van wordt dan is het mogelijk om ons in te huren :) Neem dan contact op met Ingrid via de link.

Bertekaartsje mei gedicht frij nei my

Ofrûne moanne is der in moai jonkje berne en op it kaartsje stiet in gedichtsje frij makke nei in gedicht fan my. Ik diel it hjir mei jim en myn gedichtsje mei brûkt wurde as ik der eefkes berjocht fan krij. En in kaartsje fansels :)

Wyt fan wêzen
dit bern sa tear
't libben kleuret
dy hieltyd mear

as blommen yn 'e maityd
as flinters yn it grien
do meist no by ús wenje
bist mear as ien en ien

Pieteke

Wjerljocht

Hy slacht yn as de wjerljocht op in simmerdei
ik kin net oars as folgje dat ljocht en gean mei

mar myn hert is swier om wat it mei dy docht
ien ding moast witte, ik ha der net om socht

Wit dat ik juster noch it leafst by dy wêze woe

dat ik net betinke koe dat is oars wurde soe

datsto myn alles wiest en noch wat mear

dêrom en om wat wie, docht dit no sa sear

Pieteke

Visje

Ik vis je uit de zee

met mijn hengel 

aan mijn haakje

Ik bak je in mijn pan

in wat olie 

dus zo smaak je

© pieteke